Պաշտոնական լրահոս
Մշակույթի գործիչների միության 03.07.2023 թվականին տեղի ունեցած խորհրդի նիստի ընթացքում, որի ժամանակ քննարկվում էր Միության կանոնադրական բարեփոխումների փաթեթը, Միության նախագահ Սուրիկ Գրիգորյանը հայտարարությամբ հանդես գալով` ասաց, որ առողջական խնդիրներից ելնելով ու գերակա համարելով Կազմակերպության շահը հրաժարական է տալիս Կազմակերպության նախագահի պաշտոնից։
Մշակույթի գործիչների միության խորհուրդն ընդունեց նախագահի հրաժարականը և նախագահի պարտականությունների ժամանակավոր կատարող նշանակեց Կազմակերպության խորհրդի փոխնախագահ` Նարեկ Ֆրունզի Մարտիրոսյանին։
Սահմանված կարգով նախագահի պաշտոնակատարը կհրավիրի համագումար` Կազմակերպության նոր նախագահի ընտրության օրակարգով։
ՄԳՄ հանրության հետ կապերի բաժին